پنوم پن (شِنہوا) چین کے وزیر خارجہ وانگ یی نے کمبوڈیا کے نائب وزیر اعظم ہور نام ہونگ اور نامزد نائب وزیر اعظم سن چنتھول سے ملاقات کی اور دونوں فریقین نے مشترکہ مستقبل کے ساتھ چین اور کمبوڈیا کی کمیونٹی کی تعمیر کے عزم کا اظہار کیا ہے۔

کمیونسٹ پارٹی آف چائنہ کی مرکزی کمیٹی کے سیاسی بیورو کے رکن وانگ نے کمبوڈیا کو کامیاب عام انتخابات اور نئی حکومت کی تشکیل پر مبارکباد پیش کی۔

چین اور کمبوڈیا کی کمیونٹی کو مشترکہ مستقبل کے ساتھ تعمیر کرنے والے جامع اسٹریٹجک کوآپریٹو شراکت دار  کی حیثیت سے وانگ نے کہا کہ چین کمبوڈیا کو اس کے قومی حالات کے مطابق ترقی کے راستے پر گامزن کرنے، خودمختاری، آزادی اور قومی وقار کے تحفظ اور علاقائی و بین الاقوامی امور میں بڑا کردار ادا کرنے کی بھرپور حمایت کرتا ہے۔

وانگ نے کہا کہ نام ہونگ طویل عرصے سے چین اور کمبوڈیا کی دوستی کو  فروغ دینے  کے لئے پرعزم رہے ہیں اور چنتھول نے دونوں ممالک کے درمیان بیلٹ اینڈ روڈ تعاون کو فعال طور پر فروغ دیا ہے۔

وانگ نے کہا کہ چین، کمبوڈیا کے ساتھ مل کر کام کرنے کا خواہاں ہے تاکہ نئے دور میں مشترکہ مستقبل کے ساتھ چین۔کمبوڈیا کمیونٹی کی تعمیر کی جا سکے۔

انہوں نے مزید کہا کہ چین، کمبوڈیا کے بنیادی ڈھانچے کو بہتر بنانے اور اس کی صنعتی ترقی کو اپ گریڈ کرنے میں اس کی حمایت جاری رکھے گا۔

نام ہونگ اور چنتھول نے کمبوڈیا کو آہنی دوست سمجھنے اور ہمیشہ مشکل لمحات میں کمبوڈیا کے ساتھ مضبوطی سے کھڑے رہنے پر چین کا شکریہ ادا کیا۔

نام ہونگ اور چنتھول نے اس بات کا ذکر کیا کہ چین کی امداد نے جنوب مشرقی ایشیائی ریاست کو ایک نئی شکل اختیار کرنے میں مدد کی ہے۔ وہ رواں سال سفارتی تعلقات کی 65 ویں سالگرہ اور 'کمبوڈیا - چین دوستی کے سال' کے موقع پر مشترکہ مستقبل کے ساتھ کمبوڈیا - چین برادری کو ایک نئی سطح پر لے جانے کے منتظر ہیں۔