بیجنگ(شِنہوا) چینی وزیر اعظم لی کھ چھیانگ نے بیجنگ میں کمبوڈیا کے وزیر اعظم ہن سین سے ملاقات کی۔وزیر اعظم لی نے چینی نئے قمری سال کے بعد چین کے دورے پر ہن سین کو خوش آمدید کہا۔ انہوں نے کہا کہ چین اور کمبوڈیا کے درمیان 65 سال قبل سفارتی تعلقات قائم ہونے کے بعد سے دونوں ممالک نے باہمی احترام اور مساوی سلوک کی بنیاد پر اپنے تعلقات کو مزید مستحکم کیا ہے۔ چینی وزیراعظم نے کہا کہ چین کمبوڈیا کے ساتھ تعلقات کو بہت اہمیت دیتا ہے، اور یہ کہ قومی حالات کے مطابق ترقی کے راستے کا انتخاب کرنے میں کمبوڈیا کی حمایت کرتا ہے۔ انہوں نے کہا کہ چین  یکساں فوائد کے حصول  کے لیے اپنی صلاحیت کے مطابق مدد فراہم کرنے کے لیے تیار ہے۔ چینی وزیر اعظم نے دوطرفہ تزویراتی رابطوں میں اضافے ، بنیادی مفادات اور باہمی دلچسپی سے متعلق اہم امور پر ایک دوسرے کی مضبوط حمایت جاری رکھنے اور دونوں ممالک کے عوام کو مزید فائدہ پہنچانے کے لیے عملی تعاون اور عوامی تبادلوں کومضبوط کرنے کی ضرورت پر زور دیا۔