بیجنگ(شِنہوا) کمیونسٹ پارٹی آف چائنہ (سی پی سی) کی مرکزی کمیٹی کے سیاسی بیورو کی قائمہ کمیٹی کے رکن اور سی پی سی کے مرکزی کمیشن برائے ڈسپلن انسپیکشن کے سیکرٹری لی شی نے لاؤ پیپلز ریوولیوشنری پارٹی (ایل پی آر پی) کی پارٹی سنٹرل کمیٹی کے پولٹ بیورو کے رکن، پارٹی سینٹرل کمیٹی کی انسپکشن کمیٹی کے چیئرمین اور اسٹیٹ انسپیکشن اتھارٹی کے صدر کھمفنہ فومتھاتھ کے ساتھ بات چیت کی۔
اس موقع پر لی شی نے کہا کہ چین اور لاؤس دوستانہ سوشلسٹ پڑوسی ملک ہیں جو ایک ہی تقدیر سے جڑے ہوئے ایک دوسرے کے ساتھ مل کر چلتے ہیں۔ انہوں نے کہا کہ چین دونوں جماعتوں اور ممالک کے اعلیٰ رہنماؤں کے درمیان طے پانے والے اہم اتفاق رائے کے تحت رہنمائی کرتے ہوئے لاؤس کے ساتھ اعلیٰ سطح کے تبادلوں کو تیز کرنے، سٹریٹجک روابط کو بڑھانے، ترقیاتی حکمت عملیوں کو مزید ہم آہنگ کرنے اور بیلٹ اینڈ روڈ کی مشترکہ تعمیر پر اعلیٰ معیار کے تعاون کو وسعت دینے کے لیے تیار ہے۔
لی شی نے کہا کہ چین آسیان اور بین الاقوامی اور علاقائی امور میں بڑا کردار ادا کرنے میں لاؤس کی حمایت کرتا ہے اور انسانیت کے مشترکہ مستقبل، بیلٹ اینڈ روڈ کی تعمیر، اور عالمی ترقیاتی اقدام ، گلوبل سیکورٹی انیشیٹو اور گلوبل سولائزیشن انیش ایٹوکو نافذ کرنے کے لیے لاؤس کے ساتھ کام کرنے کے لیے تیار ہے۔
پارٹی گورننس کو سختی سے نافذ کرنے اور بدعنوانی کے خلاف جامع طریقے سے لڑنے کے لیے سی پی سی کی کوششوں کے بارے میں لاؤ فریق کو بریفنگ دیتے ہوئے لی شی نے کہا کہ سی پی سی پارٹی طرز عمل کو بہتر بنانے، شفاف حکومت کی تعمیر اور بدعنوانی سے نمٹنے کے لیے ایل پی آر پی کے ساتھ اپنے تجربات کے تبادلے کوبڑھانے کے لیے تیار ہے۔ انہوں نے کہا کہ سی پی سی کثیرالطرفہ انسداد بدعنوانی کے طریقہ کار کے تحت رابطے اور ہم آہنگی کووسعت دینے، ایک شفاف شاہراہ ریشم کی تعمیر کے فروغ کے لیے لاؤس کے ساتھ کام کرنے سمیت سرحد پار بدعنوانی کے جرائم سے نمٹنے میں تعاون کرے گی اور چین اور لاؤس کے درمیان مشترکہ مستقبل پر مبنی کمیونٹی کی تعمیرکو فروغ دینے کی مضبوط ضمانت فراہم کرے گی۔
