ہنوئی (شِنہوا) چین اور ویتنام نے دفاعی تعاون مزید مضبوط بنانے پر اتفاق کیا ہے۔

کمیونسٹ پارٹی آف چائنہ کی مرکزی کمیٹی کے جنرل سیکرٹری ،صدرشی جن پھنگ کے سرکاری دورہ ویتنام  کے دوران جاری ایک مشترکہ بیان کے مطابق، دونوں ممالک نے اپنی افواج کے درمیان اعلیٰ سطح کے تبادلوں کو فروغ دینے اور سرحدی دفاع کے دوستانہ تبادلوں، دفاع اور سلامتی سے متعلق مشاورت اور وزارت دفاع کی ہاٹ لائنز جیسے چینلز کا بہتراستعمال کرنے پر اتفاق کیا۔دونوں ممالک دفاعی صنعتوں، مشترکہ مشقوں وتربیت، ملٹری میڈیکل  اور صحت کی خدمات، اقوام متحدہ کے قیام امن اور غیر روایتی سیکورٹی شعبوں میں تعاون کو مزید مضبوط کریں گے۔

بیان میں کہا گیا ہے کہ دونوں ممالک سرحدی دفاعی تعاون کو مزید مضبوط کرتے ہوئے  خلیج بیبو میں مشترکہ گشت اور جنگی جہازوں کے باہمی دوروں کو جاری رکھیں گے اور اپنی بحریہ اور ساحلی محافظوں کے درمیان تعاون اور تبادلے کے طریقہ کار کو مزید مضبوط بنائیں گے۔