گوا، بھارت(شِنہوا) چین اور روس نے دوطرفہ تعلقات کو مزید فروغ دینے اور شنگھائی تعاون تنظیم (ایس سی او) کو باہمی طور پر فائدہ مند تعاون کا  ایک پلیٹ فارم بنانے پر اتفاق کیا ہے۔ بھارتی شہر گووا میں شنگھائی تعاون تنظیم کے وزرائے خارجہ کے اجلاس کے موقع پر  روسی وزیر خارجہ سرگئی لاوروف کے ساتھ ملاقات میں، چینی  وزیر خارجہ چھن گانگ نے کہا کہ چین سربراہان مملکت کے درمیان طے پانے والے اہم اتفاق رائے کو عملی جامہ پہنانے  کے لیے روس کے ساتھ ہاتھ ملانے کے لیے تیار ہے۔ دونوں ممالک اور اسٹریٹجک رابطوں کو مضبوط بنانے کے لیے روس کے ساتھ  مل کر کام کرنے کا خواہاں ہے۔چینی وزیر خارجہ نے کہا کہ دونوں ممالک نے ہر سطح پر متواتر تبادلے کیے ہیں اور مختلف شعبوں میں تعاون کو مضبوط کیا ہے۔ اس موقع پر لاوروف نے کہا کہ چینی صدر کے مارچ میں روس کے دورے نے دو طرفہ تعلقات کی ترقی میں زبردست تحریک پیدا کی ہے۔ روس چین کے ساتھ مشترکہ طور پر مختلف شعبوں میں تعاون کو آگے بڑھانے اور دوطرفہ تعلقات کو نئی بلندیوں تک پہنچانے کے لیے تیار ہے۔