بیجنگ(شِنہوا) چین کے وزیر خارجہ چھن گانگ نے پیر کو تھائی لینڈ کے نائب وزیر اعظم اور وزیر خارجہ ڈان پرمودونائی سے ملاقات کی۔ ملاقات کے دوران چھن نے کہا کہ چین کھلے پن کی بنیادی ریاستی پالیسی پر عمل  کرتے ہوئے اعلی معیار کی ترقی کرے گا اور ترقی کا ایک نیا نمونہ قائم کرے گا جس سے چین اور تھائی لینڈ کے درمیان تعاون کے نئے مواقع پیدا ہوں گے۔ چینی وزیر خارجہ نے تجویز پیش کی کہ دونوں ممالک باہمی سیاسی اعتماد کو نئی بلندیوں تک پہنچانے کے لیے اعلی سطح کے تبادلوں کو برقرار رکھیں، عملی تعاون کو نئی سطح پر لے جائیں اور عوامی تبادلوں میں نئی کامیابیوں کی حوصلہ افزائی کریں۔ چھن گانگ نے مزید کہا کہ دونوں ممالک کو عالمی ترقی کے اقدام  اور عالمی سلامتی  کے اقدام کو مضبوط کرنے کے لیے مل کر کام کرنا چاہیے، چین-آسیان ڈائیلاگ تعلقات کی 30ویں سالگرہ  کے موقع پر ہونے والے چین-آسیان خصوصی سربراہی اجلاس کے اہم فیصلوں پر عمل درآمدکرتے ہوئے کثیر الجہتی تعاون میں نئی پیش رفت کرنی چاہیے۔