اولان باتور(شِنہوا) چین کے ساتھ سیاحتی تعاون کو فروغ دینے کے لیے منگولیا کے دارالحکومت اولان باتورمیں سیمینار کا انعقاد کیا گیا۔

جمعہ کو ہونے والے سیمینار میں منگولیا میں سیاحت کی موجودہ صورتحال  اور سرحد پار سیاحتی اقدامات کاجائزہ لیا گیا۔

منگولیا میں چینی سفارت خانے کے مشیر اور اولان باتور میں چینی ثقافتی مرکز کے ڈائریکٹر لی ژی نے کہا کہ سیاحتی شعبہ دونوں ممالک کے درمیان رابطوں کا ایک ایسا ذریعہ  ہے جو ثقافتی اور عوام کے درمیان تبادلوں اور باہمی افہام و تفہیم اور دوستی کو فروغ دے رہا ہے۔

اولان باتور کے سیاحتی محکمے کے سربراہ دگوجامٹس باتسخ نے کہاچین منگولیا کے سیاحتی شعبے کی اہم منڈی ہے۔ اس لیے ہم منگولیا اور چین کے درمیان ثقافتی اور سیاحتی تعاون کو مزید مضبوط بنانے اور دونوں لوگوں کے درمیان باہمی افہام و تفہیم کو مزید مضبوط کرنے کے لیے بہت سی سرگرمیوں کا انعقاد کررہے ہیں۔

اولان باتور میں چینی ثقافتی مرکز اوراولان باتور کے محکمہ سیاحت اور منگول ٹورازم ایسوسی ایشن کے اشتراک سے منعقد ہونے والے سیمینار میں دونوں ممالک کے تقریباً 60 متعلقہ حکام اور ماہرین نے شرکت کی۔