بیجنگ (شِنہوا) چین کی لاجسٹکس صنعت میں اپریل کے دوران سست رفتار ترقی کے باوجود کمپنیز اس شعبے بارے پرجوش ہیں کیونکہ مستقل معاشی بحالی اور تعطیلات کی کھپت سے لاجسٹک سرگرمیوں کو فروغ ملنے کی توقع ہے۔
چائنہ فیڈریشن آف لاجسٹکس اینڈ پرچیزنگ (سی ایف ایل پی) کے اعداد و شمار کے مطابق اپریل میں ملک کی لاجسٹکس مارکیٹ کی کارکردگی پر نظر رکھنے والا انڈیکس 53.8 فیصد رہا جو گزشتہ ماہ کے مقابلے میں 1.7 فیصد پوائنٹس کم ہے۔
50 سے اوپر ریڈنگ توسیع کی نشاندہی کرتی ہے جبکہ 50 سے نیچے سکڑاؤ کی عکاسی ہے۔
سی ایف ایل پی کے چیف اکانومسٹ ہی ہوئی نے انڈیکس میں معمولی کمی کی وجہ موسمی اتار چڑھاؤ کو قرار دیا کیونکہ گزشتہ مہینوں میں لاجسٹکس شعبے کی مضبوط بحالی کی وجہ سے اس کی بنیاد نسبتاً زیادہ تھی۔
انہوں نے کہا کہ بڑی اور درمیانے درجے کی لاجسٹکس کمپنیز میں گزشتہ ماہ کاروباری طلب مستحکم رہی جبکہ اس شعبے کی چھوٹی اور مائیکرو کمپنیز میں اپریل میں ایک ماہ قبل کے مقابلے میں کم طلب رہی۔
اپریل میں نئے آرڈرز کے لیے سب انڈیکس 52.3 فیصد رہا جوگزشتہ ماہ کی نسبت 1.4 فیصد پوائنٹس کم ہے۔
لاجسٹکس کمپنیز اس شعبے کے نقطہ نظر کے بارے میں پرامید ہیں کیونکہ تعطیلات کے دوران چینی معاشی بحالی اور کھپت کی وجہ سے بڑھتی ہوئی طلب میں بتدریج اضافے کی توقع ہے۔
اس شعبے کی کاروباری سرگرمیوں کی توقعات پر نظر رکھنے والا ذیلی انڈیکس 55 فیصد سے زیادہ کی بلند ترین سطح پر رہا۔
