بیجنگ (شِںہوا) چین کو فروری کے دوران اشیاء کی غیرملکی تجارت سے 25.9 ارب امریکی ڈالرز کا نفع ہوا جو گزشتہ برس کے اسی عرصے کے مساوی ہے۔

ریاستی انتظامیہ برائے زرمبادلہ نے کہا ہے کہ گزشتہ ماہ چین کا خدمات میں تجارتی خسارہ 4.3 ارب امریکی ڈالرز تھا جو ماہانہ اور سالانہ دنوں بنیادوں پر قدرے کم ہے۔

ریاستی انتظامیہ برائے زرمبادلہ کے اعدادوشمار کے مطابق بینکوں کی جانب سے زرمبادلہ کا لین دین بنیادی طور پر فروری میں فروخت کے مساوی تھا۔ اس سے  غیر بینکاری شعبوں کی غیر  ملکی وصولیاں اور ادائیگیاں مزید متوازن ہوگئیں۔

ریاستی انتظامیہ برائے زرمبادلہ کے ڈپٹی ڈائریکٹر اور ترجمان وانگ چھون ینگ نے کہا کہ "چین کی زرمبادلہ مارکیٹ کو مستحکم طور پر فعال رکھنے کی بنیاد اور شرائط موجود ہیں"۔

وانگ نے کہا کہ نمو دوست پالیسیوں کے اثرات سامنے آرہے ہیں اور معیشت رفتار پکڑرہی ہے۔ چین کے پاس سرحد پار سرمائے کے مستحکم بہاؤ کی بنیاد زیادہ مضبوط ہے۔