بیجنگ(شِنہوا)  چین میں مئی کے دوران استعمال شدہ گاڑیوں کی فروخت میں گزشتہ برس کی نسبت 25.95 فیصد اضافہ ہوا ہے۔ چائنہ آٹوموبائل ڈیلرز ایسوسی ایشن کے مطابق گزشتہ ماہ ملک میں تقریبا 15 لاکھ استعمال شدہ گاڑیوں کے مالکان تبدیل ہوئے جس میں لین دین کی مجموعی مالیت 93.24 ارب یوآن(تقریبا 13.08 ارب امریکی ڈالرز) رہی۔ چین میں جنوری سے مئی کے دوران تقریبا 72 لاکھ 40 ہزار استعمال شدہ گاڑیوں کا کاروبار ہوا جو گزشتہ برس کے اسی عرصے کی نسبت 17.29 فیصد سے زائد ہے۔ اعداد و شمار کے مطابق ان سودوں میں لین دین کی مجموعی مالیت 454.38 ارب یوآن رہی۔