بیجنگ (شِنہوا) چین کے دیہی علاقوں میں بہار تہوار تعطیلات کے دوران نوول کرونا وائرس کے مریضوں میں کوئی اضافہ نہیں ہوا۔
چین کی وزارت زراعت اور دیہی امور کے ایک سینئر عہدیدار ماؤ ڈی ژی نے میڈیا بریفنگ میں بتایا کہ دیہی علاقوں میں نوول کرونا وائرس کی صورتحال عمومی طور پر مستحکم رہی۔
ماؤ نے کہا کہ دور دراز پہاڑی علاقوں، چراہ گاہوں ، جنگلات اور جزائر میں دیہی باشندوں کے لئے خصوصی اقدامات کئے گئے جو نوول کرونا وائرس وبا کی روک تھام اور تدارک بارے کمزور طبقات ہیں۔
ماؤ نے کہا کہ ان اقدامات میں عمر رسیدہ افراد، بچوں، حاملہ خواتین، معذوروں اور بیماریوں میں مبتلا افراد کو اہداف پر مبنی خدمات کی فراہمی کی گئی۔
دیہی علاقوں میں طبی کارکنوں کو بھیجنے کے ساتھ ادویات اور طبی سامان کی تقسیم میں کمزور دیہی علاقوں کو ترجیح دی گئی اور ٹاؤن شپ طبی سہولیات کو یقینی بنا یا گیا۔
یہاں مناسب تعداد میں ایمبولینس کی موجود گی کو یقینی بنا یا گیا تاکہ ضرورت کے تحت مریضوں کو بروقت بڑے اسپتال میں منتقل کیا جاسکے۔
ملک کی موجودہ نوول کرونا وائرس ردعمل حکمت عملی میں دیہی علاقوں کو بنیادی حیثیت حاصل ہے۔
