بیجنگ (شِنہوا) چین میں 2023 کے ابتدائی 9 ماہ کے دوران بحری معیشت کی شرح نمو مستحکم رہی۔

وزارت قدرتی وسائل کے شعبہ سمندری منصوبہ بندی اور اقتصادیات کے ڈائریکٹر ہی گوانگ شن نے ایک پریس کانفرنس میں بتایا کہ ملک کی مجموعی بحری پیداوار ابتدائی 3 سہ ماہی میں گزشتہ برس کی نسبت 5.8 فیصد بڑھ 72 کھرب یوآن (تقریباً 10 کھرب امریکی ڈالر) تک پہنچ گئی۔

اس مدت میں آف شور خام تیل اور قدرتی گیس کی پیداوار میں ایک برس قبل کے مقابلے میں بالترتیب 4.6 فیصد اور 9.7 فیصد اضافہ ہوا۔

انہوں نے بتایا کہ جنوری سے ستمبر تک نئے جہازوں کی طلب میں اضافہ ہواجس سے جہاز سازی کی کاروباری کارکردگی بڑھی ہے۔

اسی مدت کے دوران چینی جہازسازوں کو بحری جہازوں کے موصول شدہ نئے آرڈرز میں گزشتہ برس کی نسبت 40.2 فیصد اضافہ ہوا۔

ملک کی بحری سیاحت میں بھی بہتری آئی ہے اور بحری مسافروں کی آمدورفت میں گزشتہ برس کی نسبت 121 فیصد اور ستمبر میں رواں سال کے ابتدائی 8 ماہ کے مقابلے میں 0.4 فیصد پوائنٹس کا اضافہ ہوا۔