شین ژین (شِنہوا) چین میں نئی توانائی گاڑی ساز ادارے بی وائی ڈی کی تیار کردہ 50 لاکھ ویں نئی توانائی گاڑی پیداواری لائن  کے مر حلے سے گزرتے ہو ئے تیار ہو گئی۔

چیئرمین بی وائی ڈی وانگ چھوانگ فون نے کمپنی کی پریس کانفرنس میں بتایا کہ ادارے نے کاروں کی تیاری شروع کر نے کے بعد یہ ثابت کیا ہے کہ چینی گاڑی ساز ادارے یہ کام بھی کرسکتے ہیں۔

ادارے کی 50 لاکھ ویں کار ڈینزا این 7 ہے جو  چین کی گاڑیوں کی صنعتی ترقی میں ایک سنگ میل ہے۔

چائنہ پیسنجر کار ایسوسی ایشن کے سیکرٹری جنرل سوئی ڈونگ شو نے بتایا کہ 2022 میں دنیا بھر کی نئی گاڑیوں میں چینی گاڑیوں کا حصہ 63 فیصد تھا۔

سوئی نے مزید بتایا کہ بجلی، انٹیلی جنس ، نیٹ ورکنگ اور اشتراک میں عالمی تکنیکی ترقی کے سبب نئی توانائی گاڑیوں کی صنعت کی عالمی ترقی میں چین ایک ٹھوس قوت بن رہا ہے۔