بیجنگ (شِنہوا) بیجنگ میں متعدد سب وے لائنز نے ہفتہ کے روز سے کم رش کے اوقات میں ایکسپریس پارسل کی نقل و حمل کے آزمائشی منصوبے میں حصہ لینا شروع کر دیا ہے جس کا مقصد سڑکوں پر رش اور کاربن اخراج میں کمی لانا ہے۔

بیجنگ ٹرانسپورٹ انسٹی ٹیوٹ کے وانگ شولنگ نے بتایا کہ بیجنگ کا شہری ریل ٹرانزٹ نیٹ ورک حالیہ برسوں میں پھیل رہا ہے جس میں اس وقت 27 لائنز 807 کلومیٹر کا فاصلہ طے کرتی ہیں۔

 دارالحکومت میں  ایکسپریس پارسل کی یومیہ تعداد تقر یباً 1 کروڑ 50 لاکھ ہےجس کے بڑے حصے کی ترسیل شہری شاہراہ ٹرانسپو رٹیشن سے ہوتی ہے۔

وانگ کے مطابق یہ ترسیل کم مصروف اوقات کے دوران سب وے سسٹم کی اضافی صلاحیت سے فائدہ اٹھاکر کی جاسکتی ہے، توقع ہے کہ ٹریفک رش کو بتدریج کم کرتے ہوئے کاربن اخراج کم کیا جاسکتا ہے۔

کمیشن کے عہدیدار ژو یوآن نے بتایا کہ آزمائشی لائنز پر محفوظ اور منظم آپریشنز یقینی بنانے کے لئے بیجنگ بلدیاتی کمیشن برائے نقل وحمل نے طے کیا ہے کہ سامان سیکیورٹی جانچ سے گزرے گا اور اس میں بیجنگ سب وے کی ممنوعہ اشیاء فہرست پر سختی سے عمل کیا جائے گا۔