بیجنگ (شِنہوا)چین نے کہا ہے کہ وہ سائنس اور ٹیکنالوجی کے شعبوں میں کھلے پن اور تعاون کو مستحکم کرتے ہوئے باہمی فائدے کے لیے دوطرفہ اور کثیرالجہتی بین الحکومتی سائنس وٹیکنالوجی تعاون میں پیش رفت جاری رکھے گا۔ نائب وزیر برائے سائنس وٹیکنالوجی ژانگ گوانگ جون نے جمعہ کو ایک پریس کانفرنس میں کہا کہ چین نے 160 سے زائد ممالک اور خطوں کے ساتھ سائنس اور ٹیکنالوجی کے شعبے میں تعاون پر مبنی تعلقات قائم اور اس حوالے سے 116 بین الحکومتی معاہدوں پر دستخط کیے ہیں۔ ژانگ نے مزید کہا کہ 2022 میں، چین نے25 بین الاقوامی سائنس ٹیک تعاون کی دستاویزات پردستخط کیے یا تجدید کی اور کوویڈ کنٹرول، حیاتیاتی تنوع، موسمیاتی تبدیلی اور صاف توانائی جیسے شعبوں میں کئی ممالک کے ساتھ نتیجہ خیز تعاون کیا۔ نائب وزیر نے کہا کہ چین سائنس اور ٹیکنالوجی میں کھلے پن کو مزید مضبوط کرتے ہوئے کھلے پن اور اختراع کا ایک بہترماحول پیدا کرنے کی کوشش کرے گا۔