بیجنگ (شِنہوا) سرکاری اعداد و شمار کے مطابق چین میں بجلی کی کھپت میں اگست کے دوران مستحکم توسیع جاری رہی جو کہ معاشی سرگرمیوں کا ایک اہم بیرومیٹر ہے۔

نیشنل انرجی ایڈمنسٹریشن کے مطابق صنعتی توانائی کی طلب میں اضافے کی وجہ سے بجلی کا استعمال ایک سال قبل کے مقابلے میں 3.9 فیصد بڑھ کر 886.1 ارب کلوواٹ گھنٹے تک پہنچ گیا۔

پرائمری صنعتوں کی جانب سے استعمال کی جانے والی بجلی میں گزشتہ سال کی نسبت 8.6 فیصد اضافہ ہوا جبکہ دوسرے اور تیسرے درجے کے شعبوں میں استعمال ہونے والی بجلی میں بالترتیب 7.6 فیصد اور 6.6 فیصد اضافہ ہوا تاہم رہائشی بجلی کے استعمال میں 9.9 فیصد کمی ریکارڈ کی گئی۔

مجموعی طور پر پہلے 8 ماہ کے دوران ملک میں بجلی کی کھپت ایک سال پہلے کے مقابلے میں 5 فیصد بڑھ کر 60.8 کھرب کلو واٹ گھنٹے ہوگئی۔