بیجنگ (شِنہوا) چین میں سال کے پہلے چار مہینوں کے دوران بجلی کی کھپت میں مستحکم توسیع ہوئی ہے جو معاشی سرگرمیوں کا ایک کلیدی بیرومیٹر ہے۔

قومی توانائی انتظامیہ کے مطابق چین میں بجلی کا مجموعی استعمال گزشتہ سال کی نسبت جنوری سے اپریل کے دوران 4.7 فیصد بڑھ کر 28.1 کھرب کلوواٹ۔ گھنٹے ہو گیا ہے۔

بنیادی صنعت میں بجلی کی کھپت اسی عرصے کے دوران گزشتہ سال کی نسبت 10.3 فیصد بڑھ کر 35.1 ارب کلو واٹ ۔گھنٹے ہو گئی ہے۔دوسری اور تیسری صنعتوں کے بجلی کے استعمال میں بالترتیب 5 اور 7 فیصد اضافہ ہوا ہے۔

رہائشی سطح پر بجلی کا استعمال 2023 کے پہلے چار مہینوں میں ایک سال قبل کے مقابلے 0.3 فیصد زیادہ ہوا ہے۔

صرف اپریل کے دوران چین میں بجلی کا استعمال مجموعی طور پر 690.1 ارب کلو واٹ۔گھنٹے رہا جو گزشتہ سال کی نسبت 8.3 فیصد زیادہ ہے۔