بیجنگ (شِنہوا) چین کے بنیادی طبی بیمہ فنڈز میں جنوری سے جون کے دوران 16.3 کھرب یوآن (تقریباً 227 ارب امریکی ڈالرز) سے زائد آمدن ہوئی جو گزشتہ برس کی نسبت 7.6 فیصد زائد ہے  جس میں زچگی بیمہ بھی شامل ہے۔

قومی تحفظ صحت عامہ انتظامیہ کے مطابق شہری ملازمین کے لئے بنیادی طبی بیمہ فنڈز بشمول زچگی بیمہ کی آمدن 11 کھرب یوآن رہی جو گزشتہ برس کی اسی مدت کی نسبت 11.2 فیصد زائد ہے

دیہی اور  بیروزگار شہری رہائشیوں میں بنیادی طبی بیمہ فنڈز کی آمدن تقریباً 530.25 ارب یوآن تھی جو گزشتہ برس کی نسبت 0.7 فیصد زائد ہے۔

اعداد و شمار کے مطابق رواں سال کی پہلی ششماہی کے دوران بنیادی طبی بیمہ فنڈز کے اخراجات بھی ایک برس کی نسبت 18.2 فیصد بڑھ کر13 کھرب یوآن ہوگئے۔