ہیفے(شِنہوا)چین چاند اور زمین کے درمیان رابطہ قائم کرنے کے لیے دو آزمائشی سیٹلائٹس کو چاند کے مدار میں بھیجے گا۔

ڈیپ اسپیس ایکسپلوریشن لیبارٹری کی ایک نیوز ریلیز کے مطابق جڑواں سیٹلائٹس بالترتیب 61 کلوگرام اور 15 کلوگرام وزنی ہیں جو چاند کے گرد مدار میں نئی ٹکنالوجیوں کی توثیق کرنے کے لیے پرواز کریں گے جن میں نیویگیشن کیلیبریشنز اور ہائی ریلیبلٹی سگنل ٹرانسمیشن شامل ہیں۔

مصنوعی سیاروں کو چاند اور زمین کے دور درازحصوں کے درمیان رابطے کے لیے ایک ریلے سیٹلائٹ چھوی چھیاو-2  کے ساتھ  چاند کےمدار میں اتارا جائے گا۔ اس کے بعد دونوں سیٹلائٹ چاند کے قریب بریکنگ سے گزریں گے اور بیضوی قمری مدار میں داخل ہوں گے۔

چھوی چھیاو-2 کو اس سال کی پہلی ششماہی میں  مدار میں بھیجا جائے گا جو چین کے قمری تحقیقی  پروگرام کے چوتھے مرحلے کے لیے ایک ریلے پلیٹ فارم کے طور پر کام کرے گا جو چھانگ ای-4، چھانگ ای-6، چھانگ ای-7 اور چھانگ ای-8 مشنوں کے لیے مواصلاتی خدمات فراہم کرے گا۔