نان ننگ (شِنہوا) چین کی جنوبی چھن ژو بندرگاہ سے رواں سال کی پہلی سہ ماہی کے دوران نئی بین الاقومی زمینی سمندری تجارتی راہداری کے ذریعے 31.89 ارب یوآن (تقریباً 4.61 ارب امریکی ڈالرز) مالیت کی اشیا کی درآمدات وبرآمدات ہوئیں جو گزشتہ برس کی نسبت 77.4 فیصد زائد ہے۔

زمینی ۔سمندری تجارتی راہداری چین کے مغربی صوبائی علاقوں اور آسیان ممالک کی مشترکہ طور پر تعمیر کردہ ایک تجارتی اور نقل وحمل گزرگاہ ہے جس میں چھن ژو اور گوانگ شی ژوآنگ خوداختیار خطے کی دیگر متعدد بندرگاہیں اہم تجارتی گیٹ وے کے طور پر موجود ہیں۔

گوانگ شی کے دارالحکومت نان ننگ کے کسٹمز کے مطابق رواں سال کے آغاز سے نئے مواد اور نئی توانائی صنعتیں زمینی۔ سمندری تجارتی راہداری کے ذریعے غیرملکی تجارتی معیار اور حجم بہتر بنانے میں نئی قوتیں بن گئی ہیں۔

چھن ژو بندرگاہ نے جنوری سے مارچ کے دوران نئے بین الاقوامی زمینی سمندری راستے سے درآمد کردہ 40 ہزار ٹن نئے توانائی خام مال کو نمٹایا جن میں نکل سلفر، نکل آئرن اور اسپوڈومین شامل تھا۔ یہ گزشتہ برس کی اسی مدت سے 37 گنا زائد تھا۔