بیجنگ (شِنہوا) چین کی جنوب مغربی بلدیہ چھونگ چھنگ کے سابق نائب میئر شیونگ شوئے کو جماعتی نظم وضبط اور قوانین کی سنگین خلاف ورزیوں پر کمیونسٹ پارٹی آف چائنا (سی پی سی) سے نکال دیا گیا۔
یہ فیصلہ کمیونسٹ پارٹی آف چائنہ کے مرکزی کمیشن برائے نظم ومعائنہ اور قومی نگراں کمیشن نے کمیونسٹ پارٹی آف چائنہ کی مرکزی کمیٹی کی منظوری کے بعد کیا۔
تفتیش سے یہ بات سامنے آئی تھی کہ شیونگ اپنے نظریات اور عقائد کھوچکے تھے اور اہم اصولوں پر کمیونسٹ پارٹی آف چائنہ کی مرکزی کمیٹی سے انحراف کیا تھا۔ تفتیش میں یہ بھی انکشاف ہوا کہ انہوں نے سیاسی گروہ تشکیل دیا اور اپنی کارکردگی کی تعریف میں اپنے کام کو غلط اور بڑھا چڑھا کر پیش کیا، تنظیمی جانچ پڑتال کی مخالفت کی، اور توہم پرست سرگرمیوں میں ملوث رہے۔
تفتیش کے مطابق انہوں نے نجی قرض سے خاطر خواہ فوائد اٹھائے ، منصوبے کے معاہدے اور زمین کی منظوری میں دوسروں کے لیے فوائد حاصل کرنے کے لئے اپنے اختیارات کا غلط استعمال کیا اور بدلے میں بھاری رقم اور تحائف وصول کیے۔
پارٹی قواعد و ضوابط اور قوانین کے تحت انہیں پارٹی سے نکالنے، ان کے ناجائز فوائد ضبط کرنے اور ان کا کیس عدالتی کارروائی کے لیے سونپنے کا فیصلہ کیا گیا ہے۔
