بیجنگ (شِنہوا)  چین کے مرکزی بینک نے کہا ہے کہ اگست کے آخر تک چھوٹے اور درمیانے درجے کے  کاروباروں کے لیے چین کے جامع قرضوں کا توازن 278 کھرب  یوآن (تقریباً 38.7 کھرب  امریکی ڈالرز) رہا۔

پیپلز بینک آف چائنہ (پی بی او سی) کے مطابق قرضوں کی شرح نمو مسلسل تین سال سے 20 فیصد سے اوپر رہی ہے۔

پی بی او سی نے کہا کہ قرضوں سے اگست کے آخر تک 6کروڑ 2 لاکھ 25 ہزار چھوٹے کاروباروں کی مدد ہوئی تھی۔

اگست میں چھوٹے اور درمیانے درجے کے  کاروباروں کے لیے نئے قرضوں کی اوسط شرح سود 4.48 فیصد رہی جو 2018 کے اختتام کے مقابلے میں 1.7 فیصد پوائنٹس کم ہے۔

بینک کے ڈپٹی گورنر لیو گوچھیانگ نے کہا کہ جامع ما لیات کا معیار مالیاتی ترقی کے معیار کی ایک اہم علامت ہے۔

 انہوں نے چھوٹے اور درمیانے درجے کے کاروباروں  کو مالی مدد بڑھانے، زراعت سے متعلق مالیاتی خدمات کی بنیاد کو مستحکم کرنے، جامع ما لیات کی کوریج کو وسعت دینے اور صارفین کے حقوق اور مفادات کے تحفظ کی کوششوں پر زور دیا۔