بیجنگ(شِنہوا)چین اپنےدیہی علاقوں میں کھپت کی صلاحیت سے مزید استفادہ کرنےکی کوششیں تیز کرے گا جو اقتصادی ترقی کو مستحکم کرنے اورمقامی طلب کو بڑھانے میں اہم کردارکی حامل ہے۔

چینی وزارت زراعت اور دیہی امور کے ایک اہلکارژینگ یاندے نے جمعہ کو ایک پریس کانفرنس میں کہا کہ رواں سال کی پہلی ششماہی میں دیہی علاقوں میں اشیائے صارف کی خوردہ فروخت میں گزشتہ سال کی نسبت 8.4 فیصد اضافہ ہوا جو شہری علاقوں کے مقابلے میں 0.3 فیصد زیادہ ہے تاہم دیہی آبادی کی کھپت میں ا بھی بہتری کی بڑی گنجائش موجودہے۔

ژینگ نے کہا کہ کھپت بڑھانے کے لیے دیہی باشندوں کی آمدنی میں اضافہ کرنے کی کوشش کی جانی چاہیےجبکہ  اس حوالے سے راہ ہموار کرنے، مخصوص خصوصیات کے ساتھ دیہی صنعتوں کو ترقی دینے، اورمہاجرکارکنوں کے لیے پیشہ ورانہ تربیت کو مضبوط بنانے کے لیے اقدامات کیے جائیں گے۔

ژینگ نے کہا کہ کھپت بڑھانے کے لیے سپلائی کے نظام میں جدت اہم ہے جبکہ دیہی رہائشیوں کوبجلی سے چلنے والی ماحول دوست گھریلو اشیاء اورتوانائی کی نئی گاڑیاں خریدنے کی ترغیب دینے سمیت دیہی تفریحی سیاحت کو فروغ دینا چاہیے۔