بیجنگ (شِنہوا) قومی ادارہ برائے شماریات کے اعداد و شمار کے مطابق 2023 کے پہلے 8 ماہ کے دوران چین کی فکسڈ اثاثوں کی سرمایہ کاری میں گزشتہ سال کی نسبت 3.2 فیصد اضافہ ہوا ہے۔

بیورو نے جمعہ کے روز ایک بیان میں کہا ہے کہ اس عرصے میں مجموعی سرمایہ کاری 327 کھرب یوآن (تقریباً45.6 کھرب امریکی ڈالرز) رہی۔

انفراسٹرکچر کی تعمیر میں سرمایہ کاری میں گزشتہ سال کے اسی عرصے کے مقابلے میں 6.4 فیصد اور مینوفیکچرنگ سرمایہ کاری میں 5.9 فیصد اضافہ ہوا۔ پراپرٹی ڈیویلپمنٹ میں سرمایہ کاری میں 8.8 فیصد جبکہ نجی شعبے کی سرمایہ کاری میں 0.7 فیصد کمی واقع ہوئی۔

ہائی ٹیک صنعتوں میں تیزی سے ترقی ہوئی ہے  جس میں گزشتہ سال کی نسبت سرمایہ کاری میں 11.3 فیصد اضافہ ہوا۔ خاص طور پر ہائی ٹیک مینوفیکچرنگ اور ہائی ٹیک سروسز کے شعبوں میں سرمایہ کاری میں بالترتیب 11.2 فیصد اور 11.5 فیصد اضافہ ہوا۔