نان ننگ (شِنہوا) چین کے جنوب میں گوانگ شی ژوانگ خود اختیار خطے کے شہر جنگ شی میں سڑک حادثے کے نتیجے میں 11 افراد جاں بحق ہو گئے ہیں۔

جنگ شی بلدیاتی حکومت کے ایک اعلامیہ کے مطابق حادثہ شاہراہ کے سی منگ گاؤں سیکشن میں جمعہ کی صبح تقریباً 6 بجکر 30 منٹ پر پیش آیا ۔ گاڑی میں 14 افراد سوار تھے۔ 

اعلامیہ میں ہلاکتوں کی تصدیق کرتے بتایا گیا ہے کہ 3 افراد حادثہ کے وقت گاڑی سے بچ نکلنے میں کامیاب رہے۔

امدادی کارروائیاں جاری ہیں اور حادثے کی وجہ جاننے کے لئے تحقیقات کا آغاز کر دیا گیا ہے۔