بیجنگ (شِنہوا) چین میں جولائی 2023 کے دوران گاڑیوں کی برآمدات میں مضبوط نمو کی رفتار برقرار رہی ہے۔

چائنہ پیسنجر کار ایسوسی ایشن کے اعدادوشمار کے مطابق چین میں گزشتہ ماہ مجموعی طور پر 3 لاکھ 10 ہزار گاڑیاں بیرون ملک بھیجی گئیں جو گزشتہ برس کی نسبت 63 فیصد اضافہ ہے۔

چین میں مقامی طور پر تیار کردہ مسافر گاڑیوں کی عالمی سطح پر مانگ میں اضافہ ہوا اور اس دوران چینی برانڈ کی کاروں کی برآمد 2 لاکھ 48 ہزار یونٹس تک پہنچ گئی جس میں گزشتہ برس کی نسبت 56 فیصد اضافہ ہوا۔

اعداد و شمار کے مطابق ابتدائی 7 ماہ کے دوران مسافر گاڑیوں کی برآمدات ایک سال قبل کی نسبت 81 فیصد اضافے سے 19 لاکھ 90 ہزار یونٹس تک پہنچ گئیں۔