بیجنگ(شِنہوا)چین نے کہا ہے کہ امریکہ قومی سلامتی کے تصور کو حد سے زیادہ بڑھا رہا ہے اور غیر ملکی کمپنیوں کو دبانے کے لیے ریاستی طاقت کا غلط استعمال کر رہا ہے  ان غلط اقدامات کی سختی سے مخالفت کرتے ہیں۔

ان خیالات کااظہارچینی وزارت خارجہ کی ترجمان ماؤ ننگ نے منگل کوایک معمول کی پریس بریفنگ میں اس سوال پر کیا جس میں ان سے کانگریس کی جانب سے پابندی کے حکم کے بعد وائٹ ہاؤس کے سرکاری ایجنسیوں کو تمام وفاقی آلات سے ٹک ٹاک کو حذف کرنے کے لیے 30 دن کے وقت کی رپورٹ پرتبصرہ کرنے کے لیے کہا گیا، جبکہ اس اقدام سے متعلق امریکی حکام کا کہنا ہے کہ یہ امریکہ اور چین کے مقابلے کے تناظرمیں امریکہ کی قومی سلامتی پر پائے جانے والی تشویش کے باعث اٹھایا گیا ہے۔

ماو نے استفسا رکیا کہ دنیا کی اعلیٰ ترین سپر پاور نوجوانوں کی پسندیدہ ایپ سے اس طرح خوفزدہ ہونے کے لیے کتنی غیر یقینی ہو سکتی ہے۔انہوں کہا کہ امریکہ قومی سلامتی کے تصور کو حد سے زیادہ بڑھا رہا ہے اور غیر ملکی کمپنیوں کو دبانے کے لیے ریاستی طاقت کا غلط استعمال کر رہا ہے جبکہ ہم ان غلط اقدامات کی سختی سے مخالفت کرتے ہیں۔

ماؤ نے مزید کہا کہ امریکی حکومت کو مارکیٹ اکانومی اور منصفانہ مسابقت کے اصولوں کا احترام کرنا چاہیے، کمپنیوں کو دبانا بند کرنا چاہیے اور امریکہ میں غیر ملکی کمپنیوں کے لیے کھلا، منصفانہ اور غیر امتیازی ماحول فراہم کرنا چاہیے۔