بیجنگ(شِنہوا) چین مزید عالمی سرمایہ کاروں کوملک میں لانے کے لیے غیر ملکی ملکیت کی پابندیوں کو مزید ہٹانے یا نرم کرنے کے امکانات پر غور کرے گا۔

وزارت تجارت کے ترجمان ہی یادونگ نے جمعرات کو ایک پریس کانفرنس میں بتایاکہ  غیر ملکی سرمایہ کاری کے لیے منفی فہرست کو مختصر کرتے ہوئے، ملک اپنے کاروباری ماحول کو بہتر بنانے اور غیر ملکی کمپنیوں کی بہتر خدمت کی کوشش کرے گا۔

ترجمان نے کہا کہ ملک نے مسلسل پانچ سالوں سے غیر ملکی سرمایہ کاری کے لیے اپنی منفی فہرست پر نظر ثانی کی ہے، جس سے سیڈ، آٹوموبائل، جہاز اور ہوائی جہاز کی تیاری، سیکورٹیز، بینکنگ اور انشورنس سمیت شعبوں میں غیر ملکی ملکیت میں حائل رکاوٹیں کم ہوئی ہیں۔  ریاستی کونسل کے ترقیاتی تحقیقی مرکز کی طرف سے گزشتہ ماہ جاری کردہ ایک رپورٹ کے مطابق، چین نے 2017 سے  ملک میں غیر ملکی سرمایہ کاری لانے کے حوالے سے دنیا کے دوسرے سب سے بڑے ملک کی حیثیت سے اپنی پوزیشن برقرار رکھی ہے اوروہ  عالمی سطح پر سرمایہ کاری کے سب سے پرکشش مقامات میں سے ایک ہے۔