ارمچی (شِنہوا) چین میں تعینات 25 ممالک کے سفیروں نے چینی وزارت خارجہ کی دعوت پر 31 جولائی سے جمعہ تک شمال مغربی سنکیانگ ویغور خوداختیارخطے کا دورہ کیا۔ ان ممالک پاکستان، میانمار، ایران، ساموا اور سُری نام کے سفیر شامل تھے۔
سفارتکاروں نے علاقائی دارالحکومت ارمچی کے ساتھ ساتھ کاشغر اور اکسو پریفیکچرز کے دورے میں اس بات کی تصدیق کی کہ سنکیانگ میں لوگ خوشحال زندگی سے لطف اندوز ہورہے ہیں۔
انہیں سنکیانگ کی متاثر کن معاشی ترقی اور مختلف ثقافت کا مشاہدہ کرنے کا موقع ملا جس سے بعض مغربی ذرائع ابلاغ کی جانب سے جھوٹ کی بنیاد پر پھیلایا جانے والا تاثر زائل ہوگیا ۔
ارمچی میں سنکیانگ میں انسداد دہشت گردی اور انتہا پسندی کے خاتمے بارے ایک نمائش کے دوران بیجنگ میں پاکستانی سفارت خانے میں تعینات سفارتکار اعجاز احمد نے کہا کہ چینی حکام نے انسداد دہشت گردی کی بڑی کوششیں کرتے ہوئےسنکیانگ کے لوگوں کو ایک محفوظ ماحول فراہم کیا۔
انہوں نے یہ بھی کہا کہ چین اور پاکستان انسداد دہشت گردی پر تعاون جاری رکھیں گے۔
چین میں ڈومینیکن سفیر مارٹن چارلس نے نام نہاد "انسانی حقوق کی خلاف ورزیوں" بارے کہا کہ انہوں نے مقامی لوگوں کے ساتھ تفصیلی بات چیت کی۔
انہوں نے اس بات کا مشاہدہ کیا کہ مقامی لوگ خوش حال اور باوقار زندگی گزاررہے ہیں، مقامی سطح پر کسی بھی قسم کی جبری مشقت اور انسانی حقوق کی کوئی خلاف ورزی موجود نہیں ہے۔
چین میں ساموا کے سفیر لومانوائے میرینر نے کاشغر میں عید گاہ مسجد اور ارمچی میں سنکیانگ اسلامک انسٹی ٹیوٹ کا دورہ کرنے کے بعد نشاندہی کی کہ چینی قانون تمام نسلی گروہوں کو مذہبی عقائد کی آزادی دیتا ہے اور چین کے ترقیاتی نتائج حوصلہ افزا ہیں۔
وفد نے کاشغر کی کاؤنٹی جیاشی میں 1.7 ارب یوآن (تقریباً 23 کروڑ 80 لاکھ امریکی ڈالرز) کی سرمایہ کاری سے تعمیر کردہ پینے کے پانی کے منصوبے کا دورہ کیا۔ غیر ملکی سفیروں نے پگھلتے گلیشیئرز اور برف سے پانی حاصل کرنے کے جدید طریقہ کار کا مشاہدہ کیا۔ انہیں بتایا گیا کہ کس طرح اس منصوبے نے کاؤنٹی کے تمام رہائشیوں کو پینے کا صاف اور محفوظ پانی مئو ثر طریقے سے فراہم کیا ہے۔
چین میں نکاراگوا کے سفیر مائیکل کیمبل نے کہا کہ 4 لاکھ 60 ہزار افراد کو ہر جگہ پر پانی مہیا کرنا ہر ایک کی کامیابی ہے۔ نکاراگوا لوگوں کی فلاح و بہبود یقینی بنانے اور تحفیف غربت کی جنگ میں چین کے تجربے سے سیکھ سکتا ہے۔
