گوئی یانگ (شِنہوا) چین کے جنوب مغربی صوبہ گوئی ژو 14 ویں  پانچ سالہ منصوبہ (2025-2021) کے دوران سڑکوں کی تعمیر میں مزید سرمایہ کاری کرے گا جس کے بعد کل ایکسپریس وے کی لمبائی 9 ہزار 500 کلومیٹر ہوجائے گی۔

صوبائی عوامی حکومت کے انفارمیشن آفس نے ایک پریس کانفرنس میں بتایا کہ گوئی ژو ایکسپریس وے کی لمبائی 8 ہزار 368 کلومیٹر تک پہنچ چکی ہے۔

پہاڑ اور پہاڑی علاقے صوبے کے کل رقبے کا 92.5 فیصد ہے۔

صوبائی محکمہ نقل و حمل کے ڈائریکٹر چھیو ژین گو نے بتایا کہ تقریباً 12 لاکھ 60 ہزار پہاڑیوں پر 2 لاکھ 10 ہزار کلومیٹر پر شاہراہیں تعمیر کی گئی ہیں۔

دنیا کے 100 بلند ترین پُلوں میں سے تقریباً نصف اس صوبے میں موجود ہیں۔ اس کے علاوہ یہاں 28 ہزار 23 ہائی وے پُل ہیں جن کی مجموعی لمبائی 4 ہزار 400 کلومیٹر ہے۔

چھیو نے مزید کہا کہ تقریباً 2 لاکھ گاؤں کے 1 کروڑ 70 لاکھ باشندے ان شاہراہوں اور پلوں سے براہ راست مستفید ہوتے ہیں ۔