بیجنگ (شِنہوا) چین میں جمعہ کے روز ختم ہونے والے وسط خزاں کے تہوار اور قومی دن کی تعطیلات کے دوران روزانہ اوسطاً 5 کروڑ 72 لاکھ 80 ہزار  مسافروں نے  سفر کیے جو گزشتہ سال قومی دن کی تعطیلات کے مقابلے میں 57.1 فیصد زیادہ ہے۔

وزارت ٹرانسپورٹ نے کہا کہ 29 ستمبر سے 6 اکتوبر تک مسافروں کے سفر کی تعداد 45 کروڑ 80 لاکھ رہی۔

ریل کے ذریعے مجموعی طور پر 14 کروڑ 10 لاکھ سفر کیے گئے  جس میں روزانہ اوسط سفر کی تعداد گزشتہ سال کے مقابلے میں 158 فیصد بڑھ کر 1 کروڑ 76 لاکھ 40 ہزار تک پہنچ گئی۔

تعطیلات کے دوران فضائی سفر اوسطاً 21 لاکھ 40 ہزار تھے  جو ایک سال پہلے کے مقابلے میں 195 فیصد زیادہ ہیں۔

وزارت کے مطابق اس عرصے کے دوران سڑک کے سفر 29 کروڑ تک پہنچ گئے جبکہ آبی گزرگاہوں کے سفر کی تعداد 1 کروڑ 1 لاکھ 80 ہزار تھی۔