بیجنگ (شِںہوا) چینی وزارت تعلیم رواں سال فارغ التحصیل کالج طلبا کے لئے اعلیٰ معیار اور مکمل روزگار کو یقینی بنانے کے لئے مئی سے اگست تک ایک خصوصی روزگار تشہیری مہم کا انعقاد کرے گی۔

وزارت نے بتایا کہ گریجویشن سیزن کے قریب اس مہم میں 5 امور پر توجہ مرکوز کی جائے گی جس میں ملازمت کے زیادہ مواقع پیدا کرنا ،روزگار میں رہنمائی بہتر بنانا اور اہم گروپس کے لئے تعاون مستحکم کرنا شامل ہے۔

جامعات اور کالجز کو کیمپس میں بھرتی بارے سرگرمیوں کے لئے کمپنیز  کو مدعو کرنا اور فارغ التحصیل طلبا کو نچلی سطح پر ملازمتیں تلاش کرنے کی ترغیب دینا بھی وقت کی ضرورت ہے۔

اس سے قبل گزشتہ نومبر میں وزارت کی جانب سے شروع کردہ ایک روزگار تشہیری مہم کے ذریعے نئے فارغ التحصیل طلبا کے لیے تقریباً 25 لاکھ 30 ہزار ملازمتیں پیدا کی گئی ہیں۔ اس مہم میں 2 ہزار 415 جامعات اور کالجز حصہ لے رہے ہیں۔

اعدادوشمار کے مطابق رواں سال چین میں 1 کروڑ 15 لاکھ 80 ہزار کالج گریجویٹس ہوں گے جو کہ ایک ریکارڈ ہے۔