بیجنگ(شِنہوا) وزارت صنعت و انفارمیشن ٹیکنالوجی کے تازہ ترین اعداد و شمار کے مطابق چین کی گھریلو آلات کی صنعت میں سال کے پہلے سات مہینوں کے دوران پیداوار میں مستحکم اضافہ ہوا ہے۔

اعداد و شمار کے مطابق جنوری سے جولائی کے عرصے کے دوران چین میں گھریلو استعمال کے لیے ریفریجریٹرز کی پیداوار گزشتہ سال کی نسبت 13.8 فیصد اضافے کے ساتھ 5 کروڑ 58 لاکھ 80 ہزار یونٹس تک پہنچ گئی۔

روم ایئر کنڈیشنرز کی پیداوار گزشتہ سال کی نسبت 17.9 فیصد اضافے کے ساتھ 16 کروڑ 34 لاکھ 80 ہزار یونٹس تک پہنچ گئی جبکہ واشنگ مشینز کی پیداوار ایک سال قبل کے مقابلے میں 19.9 فیصد اضافے کے ساتھ 5 کروڑ 64 لاکھ 10 ہزار یونٹس سے تجاوز کر گئی۔