بیجنگ (شِنہوا) چین میں ستمبر کے اختتام تک گھروں میں نصب شمسی توانائی کی تنصیب شدہ صلاحیت تقریباً 10 کروڑ 50 لاکھ کلو واٹ تک پہنچ گئی  جو کہ ملک کے دیہی علاقوں میں 50 لاکھ سے زائد گھرانوں کا احاطہ کرتی ہے۔

قومی توانائی انتظامیہ نے بتایا کہ حالیہ برسوں میں چین میں ترسیل کی جانے والی شمسی توانائی گھروں میں پیدا کی جارہی ہے ۔اس نے بجلی کی محفوظ اور قابل اعتماد فراہمی یقینی بنانے  اور توانائی کی سبز تبدیلی کے فروغ کے ساتھ ساتھ کسانوں کی آمدن بڑھانے میں بھی اہم کردار ادا کیا ہے۔

اعداد و شمار کے مطابق پہلی 3 سہ ماہی میں گھریلو شمسی توانائی کی نئی تنصیب شدہ صلاحیت 3 کروڑ 29 لاکھ 80 ہزار تھی جو ترسیل کردہ شمسی توانائی کی نئی نصب شدہ صلاحیت کا تقریباً نصف ہے۔

قومی توانائی انتظامیہ نے بتایا کہ یہ اعداد و شمار ابتدائی 9 ماہ میں چین کی شمسی توانائی کی کل نصب شدہ صلاحیت کے ایک چوتھائی سے زائد کے مساوی ہیں۔

قومی توانائی انتظامیہ نے متعلقہ محکموں کے تخمینوں کا حوالہ دیتے ہوئے بتایا کہ چینی دیہی گھرانوں میں شمسی توانائی پیدا کرنے میں بڑی صلاحیت موجود ہے کیونکہ 8 کروڑ سے زائد دیہی گھروں کی چھتوں کا رقبہ 27.3 ارب مربع میٹر ہے جسے شمسی توانائی کے پیداواری آلات سے لیس کیا جاسکتا ہے۔