شی جیا ژوآنگ (شِںہوا) چین کے شمالی صوبہ ہیبے میں ماہرین آثار قدیمہ نے جن عہد (420-265) کا ایک مقبرہ دریافت کیا ہے۔

مقبرہ زمین سے 5.2 میٹر نیچے ہے جس میں اینٹوں کا ایک کمرہ بنا ہوا تھا ۔ مقبرے سے مٹی کے برتنوں کی کل 16 اشیاء ملی ہیں جن میں ایک کپ، برتن، بیل گاڑی اور گھوڑا شامل ہیں۔

آثارقدیمہ ٹیم کے سربراہ رین شوئے یان کے مطابق مقبرہ دمنگ فو کھنڈرات میں واقع ہے، جبکہ یہاں سے سے در یافت ہو نے والی اشیاء سے اندازہ لگا یا جا سکتا ہے کہ مقبرہ ایک خاتون کا ہوسکتا ہے۔

رین نے کہا کہ مقبرے سے کوئی تحریری ریکارڈ نہیں ملا ہے  جس کےسبب مقبرے کی عمر کا حتمی تعین مشکل ہے۔

رین نے کہا کہ دریافت شدہ مٹی کے برتن اس وقت کے لوگوں کے رہن سہن کی عکاسی کرتے ہیں  اور یہ جن عہد میں مقامی لوک رسم و رواج کا مطالعہ کرنے بارے بہت اہم ہیں۔