نان جنگ (شِنہوا) چین کے وسطی صوبہ ہینان کے ایک سابق سینئر عہدیدار گان رونگ کن پر صوبہ جیانگ سو کے شہر چھانگ ژو کی انٹرمیڈیٹ عوامی عدالت میں رشوت ستانی کے الزام میں مقدمہ چلایا گیا ہے۔

کمیونسٹ پارٹی آف چائنہ ہینان کی صوبائی کمیٹی کی قائمہ کمیٹی کے سابق رکن اور صوبائی پارٹی کمیٹی کے سیاسی اور قانونی امور کمیشن کے سابق سیکرٹری گان پر الزام ہے کہ انہوں نے اپنے مختلف عہدوں کا فائدہ اٹھاتے ہوئے تعمیراتی منصوبوں، کاروباری امور اور مقدمات سے نمٹنے میں دوسروں کو معاونت فراہم کی۔

اس کے عوض انہوں نے رقم اور تحائف غیرقانونی طور پر وصول کئے جن کی مالیت 16 کروڑ 60 لاکھ یوآن ( تقر یباً 2 کروڑ 37 لاکھ 80 ہزار امریکی ڈالرز) تھی۔

مقدمے کی سماعت کے دوران استغاثہ نے اپنے شواہد پیش کئے جس کا ملزم اور اس کے وکیل نے جائزہ لیا۔

گان نے اپنے آخری بیان میں جرم کا اعتراف کرتے ہوئے اس پر ندامت کا اظہار کیا۔

گان کی سزا کا اعلان بعد میں کیا جائے گا۔