میونخ ، جرمنی (شِںہوا) چین کے سینئر سفارت کار وانگ ای نے کہا ہے کہ دنیا کو درپیش تبدیلی اور بدانتظامی کے تناظر میں استحکام کے لئے چین اور یورپ کو تعاون مضبوط کرنا چا ہئے۔

کمیونسٹ پارٹی آف چائنہ کی مرکزی کمیٹی کے خارجہ امور کمیشن دفتر کے ڈائریکٹر وانگ نے یہ بات 59 ویں میونخ  سیکیورٹی کانفرنس کے دوران یورپی یونین کے خارجہ امور اور سلامتی پالیسی کے اعلیٰ نمائندے جوزف بوریل کے ساتھ ملاقات میں کہی۔

کمیونسٹ پارٹی آف چائنہ کی مرکزی کمیٹی کے سیاسی بیورو کے رکن وانگ نے کہا کہ چین اور یورپی یونین حریف نہیں بلکہ شراکت دار ہیں اور ان کا اتفاق رائے باہمی اختلافات سے کہیں زیادہ ہے۔

انہوں نے کہا کہ رواں سال چین اور یورپی یونین کے درمیان جامع اسٹریٹجک شراکت داری کے قیام کی 20 ویں سالگرہ ہے۔ دونوں فریقوں کو شراکت داری کے لئے پرعزم رہتے ہوئے ایک دوسرے کے بنیادی مفادات کا احترام کرنا چا ہئے ۔اس کے ساتھ تعاون کے ثمرات کا احترام کر تے ہو ئے اگلے 2 عشروں میں مزید رہنمائی فراہم کرنی چاہئے۔