شنگھائی (شِنہوا) ٹیسلا کے شنگھائی کارخانہ نے مئی میں 77 ہزار 695 گاڑیاں فراہم کیں جو گزشتہ برس کی نسبت 142 فیصد زائد ہے۔

ٹیسلا کے سی ای او ایلون مسک نے رواں ماہ کے اوائل میں دورہ چین میں ٹیسلا شنگھائی گیگا فیکٹری کا دورہ کیا تھا اور پلانٹ کی پیداواری کارکردگی اور معیار کی تعریف کی تھی۔

چین کے مشرق میں 2019 میں قائم ہونے والی ٹیسلا شنگھائی گیگا فیکٹری امریکہ سے باہر کار ساز کمپنی کی پہلی گیگا فیکٹری ہے۔

اپریل 2023 میں امریکی کارسازنے شنگھائی میں کمپنی کی توانائی اسٹوریج مصنوعات "میگا پیک" کی تیاری کے لئے مختص ایک نئی میگا فیکٹری کی تعمیر کرنے کے لئے ایک اور بڑی سرمایہ کاری کا اعلان کیا تھا-

کمپنی نے کہا ہے کہ نئی فیکٹری ابتدائی طور پر 10 ہزار میگا پیک یونٹس سالانہ تیار کرے گی جو تقریبا 40 گیگا واٹ آورز توانائی ذخیرہ کرنے کے مساوی ہے ۔ توقع ہے کہ اس کی مصنوعات دنیا بھر میں فروخت کی جائیں گی۔