بیجنگ (شِنہوا) چین اقتصادی اور سماجی ترقی کی جامع ماحول دوست تبدیلی کو فروغ دینے کے لیے پالیسیاں اور اقدامات وضع کرے گا۔
قومی ترقی واصلاحات کمیشن (این ڈی آر سی) کے سربراہ ژینگ شان جیی نے منگل کو کہا کہ تحفظ کی جامع حکمت عملی کا مکمل نفاذ کیا جائے گا، توانائی کے موثر استعمال کی طرف منتقلی کو تیزاور اہم شعبوں میں کاربن اخراج میں کمی کی جائے گی، فضلہ کی ری سائیکلنگ کا نظام تشکیل اور ماحول دوست، کم کاربن اور اعلیٰ معیار کی ترقی کو فروغ دیا جائے گا۔
این ڈی آر سی باہمی تعاون کی ذمہ داری کو پورا کرتے ہوئے کاربن اخراج کی مجموعی مقدار اور شدت پر قابو پانے کے لیے توانائی کی کھپت کی کل مقدار اور شدت پر کنٹرول سے بتدریج منتقلی کو فروغ دیتے ہوئے کاربن اخراج کے حوالے سے دوہرے اہداف حاصل کرنے میں ملک کی مدد کرے گا۔ این ڈی آر سی توانائی کے نئے نظام کی منصوبہ بندی اور ترقی کو تیز کرے گا، ماحول دوست اور کم کاربن اقتصادی ترقی کے لیے پالیسیوں میں بہتری لائے گا اور وسائل اور ماحولیاتی عناصر کی مارکیٹ پر مبنی تخصیص کے نظام کو بہتر بنائے گا۔
