بیجنگ (شِںہوا) چین کی ریاستی کونسل نے ایک رہنما دستاویز جاری کی ہے جس میں اگلے 5 سال کے دوران جامع مالیات میں اعلیٰ معیار کی ترقی کے فروغ بارے پالیسیوں اور اقدامات کی وضاحت کی گئی ہے۔

دستاویز کے مطابق5 سال میں ایک اعلیٰ معیار کا بنیادی جامع مالیاتی نظام قائم کیا جائے گا جس میں بنیادی مالی خدمات تک رسائی، قرض کے حصول میں آسانی، دیہی بحالی میں مدد، صارفین کو آگاہی اور تحفظ، مالیاتی خطرے پر قابو پانے کے ساتھ ساتھ دیگر معاون میکانزم بارے پیشرفت کی توقع ہے۔

دستاویز کے مطابق اہم جامع مالیاتی مصنوعات اور خدمات کو بہتر بنایا جائے گا ۔ لوگوں کے ذریعہ معاش بارے مالیاتی خدمات کو بہتر کرنے کے ساتھ ساتھ چھوٹے اور مائیکرو کاروباری اداروں کی پائیدار ترقی، دیہی بحالی، سبز اور کم کاربن ترقی میں معاونت کی کوششیں کی جائیں گی۔

رپورٹ میں مالیاتی رسد کی بنیاد پر ڈھانچے میں اصلاحات آگے بڑھانے  بارے اہم شعبوں میں مالیاتی خطرات کو روکنے، مالیات بارے شعور اور عوامی صلاحیت مضبوط بنانے اور صارفین کے حقوق کے تحفظ میں بہتری پر بھی زور دیا گیا ہے۔