بیجنگ (شِنہوا) چین خوراک کی فراہمی کو متنوع بنانے کے لیے جدید سہولتوں پر مبنی زراعت کو فروغ دینے کا منصوبہ بنا رہا ہے۔
وزارت زراعت ودیہی امورکےعہدیدار ژینگ یاندے نے جمعہ کو ایک پریس کانفرنس میں کہا کہ پودے لگانے، ان کی پرورش، ماہی گیری اور لاجسٹکس جیسی صنعتوں میں جدید سہولیات کو بروئے کارلایا جائے گا، اس حوالے سے رہنما ہدایات جاری کی گئی ہیں۔ ژینگ نے کہا کہ پیداواری کارکردگی کو بہتر بنانے کے لیے پرانی سہولیات کی تزئین و آرائش اور شمسی گرین ہاؤسز، پلانٹ فیکٹریوں اور سمندری خوراک اورحیاتیات کے علاقوں جیسی جدید سہولیات میں اضافہ کیاجائے گا۔
انہوں نے کہا کہ جدید سہولتوں والی زراعت کی ترقی میں رکاوٹ بننے والے اہم اور نمایاں مسائل سے نمٹنے کے لیے سائنسی اور تکنیکی جدت کو استعمال کیا جائے گا۔ ژینگ نے کہا کہ زرعی سہولت کو فروغ دینے کے لیے مالی اور مالیاتی مدد کے ساتھ مارکیٹ کو فعال طور سے متحرک کیا جانا چاہیے۔
