نان جنگ (شِنہوا) چین کے مشرقی اقتصادی مرکز صوبہ جیانگ سو کی جنوری سے جولائی کے دوران درآمدات اور برآمدات کا مجموعی حجم 29.3 کھرب یوآن (تقریباً 409.29 ارب امریکی ڈالرز) رہا۔

جیانگ سو کسٹمز کے مطابق اس عرصے میں برآمدات  18.9 کھرب یوآن جبکہ درآمدات 10.4 کھرب یوآن رہیں  جو کہ  چین کی مجموعی درآمد ات وبرآمد ات کے 12.4 فیصد کے مساوی ہے۔

گزشتہ 7 ماہ کے دوران درآمدات اور برآمدات کے اعتبار سے نجی اداروں کی شرح نمو غیر معمولی رہی۔ اس مدت میں ان کی مجموعی مالیت 12.8 کھرب یوآن رہی جو گزشتہ برس کی نسبت 4.4 فیصد زائد ہے۔

صوبے کے غیر ملکی سرمایہ کاری سے قائم اداروں اور سرکاری ملکیت کمپنیوں کا درآمدی وبرآمدی حجم بالترتیب 13.9 کھرب یوآن اور 255.9 ارب یوآن رہا۔

بیلٹ اینڈ روڈ سے متصل ممالک کے ساتھ جیانگ سو کی تجارت 853.92 ارب یوآن تک پہنچ گئی جو مجموعی تجارت کا 29.2 فیصد ہے ۔853.92 ارب یوآن کی یہ تجارت گزشتہ برس کی اسی مدت کی نسبت 3 فیصد پوائنٹس زائد ہے۔

موبائل فونز، گاڑیوں کے پرزے اور جہازوں کی برآمدات میں 2023 کے ابتدائی 7 ماہ کے دوران تیزی سے اضافہ ہوا جو بالترتیب 79.19 ارب یوآن، 46.46 ارب یوآن اور 35.09 ارب یوآن تک پہنچ گئیں۔یہ حجم گزشتہ برس کی نسبت بالترتیب 31.6 فیصد، 17.7 فیصد اور 43.8 فیصد اضافہ ظاہر کرتا ہے۔

دریں اثنا، لیتھیم آئن بیٹریوں اور الیکٹرک مسافر گاڑیوں کی برآمدات بالترتیب 51.4 فیصد اور 408.5 فیصد اضافے کے ساتھ 55.21 ارب یوآن اور 4.93 ارب یوآن رہیں۔