کن منگ (شِنہوا) چین کے جنوب مغربی صوبہ یون نان کے دارالحکومت کن منگ میں منعقدہ 7 ویں چین ۔ جنوبی ایشیا نمائش اور 27 ویں چین کن منگ درآمدی و برآمدی میلے کے دوران 338 منصوبوں پر دستخط ہوئے جن کی مجموعی مالیت طور 404 ارب یوآن (تقریباً 55.5 ارب امریکی ڈالر) کی سرمایہ کاری کی جائے گی ۔
سرمایہ کاری کے ان منصوبوں میں یون نان کی اہم صنعتوں پر توجہ مرکوز کی گئی ہے جن میں سطح مرتفع کی خصوصیات کے ساتھ جدید زراعت ، سبز توانائی ، اعلی درجے کی مینوفیکچرنگ ، ثقافتی سیاحت ، اور صحت کی دیکھ بھال شامل ہے۔
بیجنگ۔ تیان جن۔ ہیبے کا علاقہ، یانگسی دریا ڈیلٹا کا علاقہ، اور گوانگ ڈونگ۔ ہانگ کانگ۔مکاؤ گریٹر بے ایریا ملک میں اہم علاقائی ترقی اور یون نان میں سرمایہ کاری کا اہم ذریعہ ہے۔
ملک کے معاشی مرکز کے ان علاقوں سے تعلق رکھنے والے نمایاں کاروباری ادارے یون نان کی معاشی ترقی کو فروغ دے رہے ہیں۔ صوبے کے اسٹریٹجک محل وقوع اور بھرپور وسائل سے فائدہ اٹھاکر اعلیٰ معیار کی ترقی کی سمت یون نان کے سفر کو تقویت دے رہے ہیں۔
نمائش کا آغاز بدھ سے ہوا ہے جبکہ اس 5 روزہ میلے میں 85 ممالک اور خطوں سے 30 ہزار سے نمائش کنندگان، نمائندے اور مہمان آن لائن اور آف لائن شرکت کررہے ہیں ۔ نمائش کے دوران مختلف قسم کی تقریبات سمیت تعاون فورم اور کاروباری فورم کا انعقاد بھی ہوگا۔
نمائش سے گزشتہ 10 برس کے دوران چین ۔ جنوبی ایشیا قریبی تعلقات کو فروغ ملا اور چین اور جنوبی ایشیا کے ممالک میں تجارت کا حجم دوگنا ہوگیا ۔
