بیجنگ (شِنہوا) چین میں رواں سال کے ابتدائی 8 ماہ کے دوران کمرشل گاڑیوں کی فروخت گزشتہ برس کی نسبت 16.4 فیصد بڑھ کر 25 لاکھ 70 ہزار یونٹس تک پہنچ گئی۔

چائنہ ایسوسی ایشن آف آٹوموبائل مینوفیکچررز کے مطابق کوچز کی فروخت میں گزشتہ برس  کی نسبت 23.9 فیصد اضافہ ہوا جبکہ ٹرکوں کی فروخت گزشتہ برس کی اس مدت کے مقابلے میں 15.5 فیصد بڑھ گئی۔

چین میں جنوری سے اگست کے دوران کمرشل گاڑیوں کی مقامی سطح پر فروخت گزشتہ برس کی نسبت 13.4 فیصد اضافے سے 20 لاکھ 80 ہزار یونٹس رہی۔

اس مدت میں تقریباً 4 لاکھ 86 ہزار کمرشل گاڑیاں برآمد کی گئیں جو 2022 کے اسی مدت کے مقابلے میں 31.1 فیصد زائد ہے۔