بیجنگ(شِنہوا)چین کی جانب سے کوئلے، خام تیل اور قدرتی گیس سمیت اہم اجناس کی درآمدات میں رواں سال کے پہلے آٹھ ماہ کے دوران نمایاں اضافہ ہواہے۔

جنرل ایڈمنسٹریشن آف کسٹمز کے مطابق جنوری سے اگست کے دوران ملک نے30 کروڑ 60 لاکھ ٹن کوئلہ درآمد کیا جو گزشتہ سال کی نسبت 82 فیصد زائد ہے۔

 خام تیل اور  صاف شدہ تیل کی درآمدات بالترتیب 14.7 فیصد اور 100.1 فیصد اضافے کے ساتھ 37 کروڑ 90 لاکھ ٹن اور 3 کروڑ 5 لاکھ 50 ہزار ٹن رہیں۔

اعداد و شمار کے مطابق قدرتی گیس کی ملکی درآمدات گزشتہ سال کی نسبت  9.4 فیصد بڑھ کر پہلے 8 ماہ کے دوران 7 کروڑ 77 لاکھ ٹن تک پہنچ گئیں۔

اعداد و شمار کے مطابق ان اجناس کی فی ٹن قیمت میں کمی واقع ہوئی ہے۔