بیجنگ(شِنہوا)رواں 2024 کے پہلے دو مہینوں میں چین کی گاڑیوں کی برآمدات میں گزشتہ سال کی نسبت 30.5 فیصد اضافہ ریکارڈ کیا گیا۔

چائنہ ایسوسی ایشن آف آٹوموبائل مینوفیکچررز کےاعداد و شمار کے مطابق اس عرصے کے دوران کل 8 لاکھ 22 ہزار گاڑیاں برآمد کی گئیں۔

مسافر گاڑیوں کی برآمدات گزشتہ سال کی نسبت 31.5 فیصد بڑھ کر 6 لاکھ 86 ہزاریونٹس تک پہنچ گئیں جبکہ کمرشل گاڑیوں کی برآمدات گزشتہ سال کی نسبت 25.9 فیصد اضافے کے ساتھ کُل 1 لاکھ 36 ہزار یونٹس ریکارڈ کی گئیں۔

اعداد و شمارکے مطابق  چین نے اس عرصے کے دوران 1 لاکھ 82 ہزارنئی توانائی گاڑیاں بھی برآمد کیں جو گزشتہ سال کی نسبت 7.5 فیصد زیادہ ہیں۔