بیجنگ (شِنہوا) چین کے بڑے صنعتی اداروں کے منافع میں   جون 2023 کے دوران  معمولی کمی ہوئی  ہے۔

2 کروڑ یوآن (تقریباً 28 لا کھ 10 ہزار امریکی ڈالرز) سالانہ کاروباری آمدن رکھنے والے صنعتی اداروں نے  گزشتہ ماہ  719.76 ارب یوآن کا مشترکہ منافع کمایا جو ایک برس قبل کی نسبت  8.3 فیصد کم اور مئی کی 12.6 فیصد گرواٹ کی نسبت خاصا کم ہے۔ 

قومی ادارہ شماریات کے شماریات دان سن شیاؤ نے بتایا کہ  معاشی ترقی کے فروغ کی پالیسیوں کے سبب صنعتی پیداوار میں بہتری کا عمل اور کاروباری منافع کی بحالی کا رجحان جاری رہا جس کا آغاز گزشتہ ماہ ہوا تھا۔ 

رواں سال کی پہلی ششماہی کے دوران چینی صنعتی اداروں کے منافع میں گزشتہ برس  کی نسبت 16.8 فیصد کمی ہوئی جو پہلی سہ ماہی سے 4.6 فیصد پوائنٹس کے قریب تر ہے۔ 

جنوری سے جون کے عرصے کے دوران پیداواری شعبے  نے بہتر کارکردگی کا مظاہرہ کیا اور اس کے منافع میں پہلی سہ ماہی کے مقابلے میں 9.4 فیصد پوائنٹس کی کمی واقع ہوئی۔

سازو سامان بنانے والی کمپنیز کے مشترکہ منافع میں ابتدائی 6 ماہ کے دوران 3.1 فیصد اضافہ ہوا جو  پہلی سہ ماہی کی نسبت 20.8 فیصد پوائنٹس اضافہ ہے اور اس نے گرواٹ کے رجحان کو پلٹ دیا ہے۔