بیجنگ(شِنہوا) چین کے سول ایوی ایشن کے ادارے  (سی اے اے سی) نے ملکی ساختہ  اے ایس 700 سول مینڈ ایئر شپ کوٹائپ سرٹیفکیٹ جاری کردیا ہے۔

ملک کی ہوائی جہاز بنانے والی معروف کمپنی ایوی ایشن انڈسٹری کارپوریشن آف چائنہ  نے کہا کہ  اس کے اسپیشل وہیکل ریسرچ انسٹی ٹیوٹ نے اے ایس 700 سول ایئر شپ کو سی اے اے سی کے فضائی معیار کے ضوابط پر عملدرآمد کرتے ہوئے تیار کیا ہے اور اس کے پاس اس انسان بردار ہوائی جہاز کی خود مختار ملکیت کے حقوق بھی ہیں۔

سنگل کیپسول مینڈ ایئر شپ میں سنگل پوائنٹ لینڈنگ گیئر ہے۔ اس کا زیادہ سے زیادہ ٹیک آف وزن 4ہزار150 کلوگرام،پرواز کی زیادہ سے زیادہ حد 700 کلومیٹر اور یہ زیادہ سے زیادہ 10 گھنٹے تک پرواز کرسکتا ہے۔