بیجنگ (شِنہوا) چین کے ملکی سطح پر تیار کردہ اے سی 313 اے سول ہیلی کاپٹر نے فلائٹ ٹیسٹ کا پہلا مرحلہ کامیابی سے مکمل کرلیا ہے۔

ایوی ایشن انڈسٹری کارپوریشن آف چائنہ (اے وی آئی سی) کے مطابق  اے سی 313 اے سول نے سطح مرتفع پر واقع   مختلف ہوائی اڈوں پر فلائٹ ٹیسٹ کا ایک سلسلہ کامیابی سے مکمل کیا ہے جس سے ہوائی قابلیت کے فلائٹ ٹیسٹ کی راہ ہموار ہو گئی ہے۔

اے وی آئی سی نے کہا کہ اس کے فلائٹ ٹیسٹ کا پہلا مرحلہ صوبہ گوئی ژو کے انشون ہوانگ گوشو ہوائی اڈے، یوننان صوبے کے ننگ لانگ لوگو ہوائی اڈے اور سیچھوان کے داوچینگ یاڈنگ ہوائی اڈے پر کیا گیا۔

سطح مرتفع پر واقع یہ  ہوائی اڈے بالترتیب تقریباً 1ہزار600میٹر، 3ہزار300میٹر اور 4ہزار400میٹر کی بلندی پر واقع ہیں۔ ان میں سطح سمندر سے 4ہزار 411میٹر بلندی پر واقع داو چھینگ یادنگ ایئرپورٹ چین اور دنیا کا بلند ترین سول ہوائی اڈہ ہے۔