بیجنگ(شِنہوا)چین کے اعلی اقتصادی منصوبہ سازادارے نے  کہا ہےکہ اس نے صوبہ گانسو میں 6.2 شدت کے زلزلے کے  بعد توانائی، بجلی اور روزمرہ کی ضروریات کی فراہمی کو یقینی بنانے کے لیے ہنگامی ردعمل کو فعال کر دیا ہے۔

نیشنل ڈویلپمنٹ اینڈ ریفارم کمیشن کے ترجمان لی چھاؤ نے منگل کو ایک پریس کانفرنس  میں بتایا کہ کمیشن پاور گرڈ انٹرپرائزز کو تباہ شدہ بجلی کی سہولیات کی مرمت، ہنگامی بجلی کی فراہمی کو منظم کرنے، اور لوگوں کے روزگار کے تحفظ اور بجلی کی اہم مانگ کو یقینی بنانے کے لیے ہر ممکن رہنمائی کر رہا ہے۔ 

لی نے کہا کہ  خیموں، لحاف اور اوور کوٹ  سمیت ڈیزاسٹر ریلیف کا سامان صوبے کو  بھیج دیا گیا  ہے  جبکہ  کمیشن امدادی کاموں میں سہولت فراہم کرنے کے لیے متعلقہ محکموں اور کاروباری اداروں کے ساتھ ہم آہنگی جاری رکھے گا۔